Мошқал Мәдина Асқарбекқызы 2014–2018 жылдары әл- Фараби атындағы Қазақ ұлттық университетінде «Шығыстану» мамандығы бойынша бакалавриат бағдарламасын тәмамдады. 2018–2020 жылдары аталған университеттің магистратурасында «Аударма ісі» мамандығы бойынша білім алып, «Гуманитарлық ғылымдар магистрі» дәрежесін иеленді. 2021–2024 жылдары «8D02209 – Шығыстану» білім беру бағдарламасы бойынша докторантурада білім алып, 2025 жылы философия докторы (PhD) ғылыми дәрежесіне ие болды. 2024 жылдан бастап әл-Фараби атындағы ҚазҰУ Шығыстану факультеті Қиыр Шығыс кафедрасында оқытушы қызметін атқарады. 2024–2025 оқу жылында факультет Ғылыми кеңесінің құрамында факультеттің ғалым хатшысы міндетін орындады. Қазіргі уақытта әл-Фараби атындағы ҚазҰУ Шығыстану факультеті Қиыр Шығыс кафедрасының аға оқытушысы. Мошқал Мәдина Асқарбекқызы – ғылыми-зерттеу саласында белсенді жас ғалым. Негізгі ғылыми бағыты – Жапонияның тұрақты даму саясаты және оны Қазақстан жағдайында бейімдеу тәжірибесі. Ғылыми қызметінің нәтижелері отандық және шетелдік ғылыми басылымдарда жарияланған. Зерттеу тақырыбы бойынша Scopus дерекқорына енгізілген шетелдік ғылыми журналда 1 мақала (Хирш индексі – 1), Қазақстан Республикасы Ғылым және жоғары білім министрлігінің сапаны қамтамасыз ету комитеті ұсынған ғылыми журналдарда 7 мақала жарық көрді. Сонымен қатар, 1 оқу құралы баспадан шығарылды. Зерттеу нәтижелері халықаралық ғылыми конференцияларда баяндалып, талқыланды. 2017 жылы Жапонияның Цукуба университетінде (Жапония, Цукуба қ.) бір жылдық ғылыми тағылымдамадан өтті. 2018 жылдың желтоқсанынан 2019 жылдың ақпанына дейін және 2022–2023 жылдары ғылыми зерттеуі аясында аталған университетте қосымша ғылыми тағылымдамалардан өтті. 2019 жылдың сәуір айында Оксфорд университетінде (Ұлыбритания, Оксфорд қ.) ғылыми апталыққа қатысты. 2019–2020 жылдары Васеда университетінде (Жапония) білім алып, кәсіби біліктілігін жетілдірді.